DCP

bev.bzh zo kiriek, ha hi hec'h-unan, a dretamant roadennoù personel hec'h implijerion.

• Ar roadennoù a roit :
  • Evit en em enskriviñ/ho kont

Evit ober get ar servij e rankit bout ur gont àr bev.bzh, ha hi bet embannet get bev.bzh. Dastum a ra bev.bzh holl ar roadennoù personel a roit a pa savit ho kont àr bev.bzh.

• • Evit skriviñ d'ar skoazell

A pa skrivit d'hor skoazell e c'hellomp dastum ho taveennoù ha dalc'had ar c'hemennoù a gasit deomp. (Gellout a raomp ivez dastum roadennoù teknik àr ho kevreadenn Internet, ho merdeer hag ho penveger.)

• Ar roadennoù a zastumomp ez automatek a pa rit get hor servijoù.

Enrolliñ a raomp roadennoù implij a pa zait d'ober get hor servij (peotramant a pa rit gete e ne vern pesort mod).

Ober a raomp get anaouderioù kevreiñ ha get toupinoù evit aesaat deoc'h merdeiñ hag evit kinnig deoc'h, doc'h ma vez, bruderezh modet a-zivout hor servijoù hag hor labour.

Evit gouiet hiroc'h a-ziàr an toupinoù e c'hellit monet àr lec'hienn ar CNIL àr ar chomlec'h-mañ : https://www.cnil.fr/fr/cookies-les-outils-pour-les-maitriser.

Tretiñ a raomp ho roadennoù personel evit an abegoù-mañ da heul, hag int diazezet àr ar lezenn :

• tretiñ ar c'hemennoù dre renkiñ ha dre zaveenniñ, meriñ an eskemmadennoù, seveniñ hor labour lakaat e darempred hag a zo er gevrat, en ur gemer evel diazez àr ar gwir sevenidigezh ar gevrat.
• lakaat da dalvout ur reolennadur (unan ag an tailhoù lakaomp) en ur gemer evel diazez àr ar gwir ar redi dre ar lezenn.
• kas kemennoù kelaouiñ dre bostel, meriñ ar c'houmanantoù en ur gemer evel diazez àr ar gwir an asant.
• Derc'hel, suraat ha gwellaat kalite hor servijoù, é sevel hag é tielfenniñ enklaskoù priziiñ hag é studiiñ soñjoù an implijerion, é tretiñ ar roadennoù personel en un diaz-stlenn implijerion hag a ro an tu d'anavout un implijour é tonet plaen, da briziiñ gwell ar goulennoù hag an c'hoantoù, da wellaat kalite ha personeladur an eskemmoù ha da sevel kinnigoù a-fet a zegouezh doc'h an doberioù en ur gemer evel diazez àr ar gwir ar splet reizh.
• klask evit brudiñ ar c'hinnigoù hag ar servijoù en ur gemer evel diazez àr ar gwir ar splet reizh.
• miriñ ar gwirioù, evit parraat doc'h an torroù-lezenn, evit kas dirak ar lez-varn pe en em zifenn ma en em gav bout kaset dirak ar lez-varn, evit difenn splet bev.bzh ma sav ur breud bennak, evit miriñ ar surentez stlennek, evit detektiñ ar riskloù é tenniñ d'ar floderezh en ur gemer evel diazez àr ar lezenn ar splet reizh.
• gwellaat danvez ar servij, er modiñ doc'h c'hoantoù an implijour, brudiñ titouroù (mand eo bet roet e asant get an implijour pand eo bet goulennet getoñ) get ar palioù klask ha marketing.
• Bev.bzh a zalc'h ivez an tu d'ober get roadennoù dizanv-tre ha n'int ket personelaet evit sevel, doc'h ma tegouezh, studiadennoù àr ar stadegoù é tenniñ da implij he servijoù.

Gwezh erbet ne vez dilezet ar roadennoù da dud arall get bev.bzh. Ne eskemmomp ket ho roadennoù personel get hor c'hevelerion hep hoc'h asant.

Gellout a ra degouezh deomp tretiñ ho roadennoù evit reiñ prouennoù en ur zoujiñ doc'h hor redioù dre ar lezenn.

Dastumet e vez ar roadennoù personel (RP) evit bev.bzh. N'eus nemet ar re a labour àr an tretiñ roadennoù, evit unan ag an abegoù bet displeget amañ, a c'hello sellet ho roadennoù personel ha ken nemet evit an abeg a-fet.

Ar roadennoù personel dastumet, hag int rekis evit anavout an implijerion hag evit deskriviñ ar c'hinnigoù hag an doberioù, a vez diskouezet, hervez monet en-dro ar savenn bev.bzh, d'an holl implijerion, re é vizitiñ pe re enskrivet, evit reiñ da ouiet d'an dud, hag a denno splet anezhe pe pas, ar c'hinnigoù, ar pezh a zo maen-bonn ar servij.

Gellout a ra ar roadennoù personel bout tretet get eiltreterion (pourchaserion servijoù), en ur zoujiñ groñs doc'h ar bennreolenn lakaet amañ a-us, ken nemet evit monet get ar palioù lakaet amañ a-us (lojiñ, bruderezh...).

En em virout a ra bev.bzh a reiñ roadennoù personel da dud arall, get ar soñj ober kenwerzh pe bruderezh, hep hoc'h asant.

Gellout a ra ivez ar roadennoù bout treuzkaset da aozadurioù ha da ensavadurioù publik ma tegouezh ur redi dre ar lezenn (lakaomp e vehent goulennet get pennadurezhioù an tailhoù pe get pennadurezhioù barnerezh).

Gellout a ra roadennoù personel bout treuzkaset da aozadurioù, hag int er-maez ag Unvaniezh Europa (anvet int « pays tiers ») a-benn ma (a) ranker o zreuzkas evit an tretiñ roadennoù, (b) ma vez ret en ober hervez ar lezenn, pe (c) ma ho peus roet hoc'h asant. Ober a raomp d'ar gwellañ evit ma vint treuzkaset en ur zoujiñ doc'h ar lezennerezh àr an treuzkas roadennoù personel ha ma vint gwarezet a-walc'h. 

Miret e vez ho roadennoù personel kehet ha ma chomont rekis evit seveniñ ar redioù dre gevrat hag ar re dre ar lezenn. Plaen e vez lamet ar roadennoù, pe lakaet dizanv, a pa ne vênt ket mui rekis evit seveniñ ar redioù dre gevrat, nemet ha goulenn a rahe ar redioù dre gevrat evit ar c'henwerzh pe re an tailhoù ma vehe c'hoazh tretet ar roadennoù diwezhatoc'h, pezh a signifi e vehe taolet termen d'ar paderezh miret.

Paderezh miret ho roadennoù personel a chañch doc'h pal an dastum anezhe :

• Miret e vez ar roadennoù é tenniñ d'hoc'h implij ag ar servij e-pad 12 miz adal ar momant mand ho peus graet get ur servij ha degaset enta an dastum anezhe.
• Miret e vez roadennoù an implijerion er meriñ eskemmadennoù e-pad 5 blez adal an deiz ma achu an darempred.
• Ar roadennoù a c'hell bout kemeret dre ur rekizadur lez-varn (roadennoù kevreiñ, identelezh, daveennoù darempred) a vez miret 12 miz adal an deiz mand int bet dastumet.

Evit doujiñ doc'h ar reolennadur àr ar roadennoù personel, dreist pep tra ar lezenn niv. 78-17 ag an 6 a viz Genver 1978, bet kemmet get ar lezenn niv. 2002-801 ag an 6 a viz Eost 2004, anvet lezenn « stlenneg ha frankizoù », ha reolennadur Europa àr ar gwareziñ roadennoù niv. 2016/670, anvet « RGPD » ho peus ar gwirioù amañ da heul evit ar pezh a sell doc'h ho roadennoù personel :

• Aksed : ar gwir ho peus da gaout an testoni mand eo bet tretet ho roadennoù pe pas, ha mand int bet, da gavout ho roadennoù.
• Kemmiñ : ar gwir ho peus ma vo kemmet, d'ar buanañ, ho roadennoù faos, ha ma vo klokaet ho roadennoù diglok. Da bep koulz e c'hellit ivez kemmiñ ar roadennoù personel é klikiñ àr an ivinell « Ma c'hont » en ho kont personel.
• Lemel/diverkiñ : ar gwir ho peus ma vo lamet ho roadennoù d'ar buanañ.
• Bevenniñ : ar gwir ho peus ma vo bevennet an tretiñ a pa savit enep dezhoñ, a pa soñjit eh eus traoù faos en ho roadennoù, a pa soñjit emañ an tretiñ anezhe enep d'ar lezenn, pe a pa ho pez dober anezhe evit diskouez, difenn pe lakaat e pleustr ho kwirioù er justis.
• Arbenniñ : ar gwir ho peus da arbenniñ da bep koulz doc'h an tretiñ ag ho roadennoù get bev.bzh, a pa vez rekis an tretiñ abalamour da balioù reizh bev.bzh, é tiviz spis en em gaver get un degouezh divoutin. Gellout a rit ivez arbenniñ doc'h an tretiñ graet evit ar c'hlask klianted.
• Amloadusted : ar gwir ho peus da resev ho roadennoù en ur stumm frammet, boutin, etreoberus ha lennapl àr gement mekanik a zo, ha d'o zreuzkas d'unan bennak arall e karg hep ma savehemp enep da gement-se.
• Ma savit enep d'an diferadennoù é tenniñ d'an dastum ag ho roadennoù personel ha d'an tretiñ anezhe ho peus ivez ar gwir da sevel ur c'hlemmadur doc'h Kengor broadel ar stlenneg hag ar frankizoù (www.cnil.fr).
• Gellout a rit ivez reiñ divizoù àr ar mod ma vo miret, lamet pe roet ho roadennoù goude ho marv. Ma n'ho peus roet diviz erbet a-zivout kement-se e raomp deoc'h da ouiet o deus ar gwir ho heriterion da refuz ma vo dalc'het da dretiñ ho roadennoù personel pe d'o neveziñ.
• Mand eo diazezet an tretiñ ag ho roadennoù personel àr un asant roet genoc'h ho peus ar gwir da lemel hoc'h asant da bep goulz, en ur ouiet e chomo doc'h ar lezenn an tretiñ diazezet àr un asant bet roet kent an dilam-se.

Evit ma vo lakaet ho kwirioù e pleustr, pe evit ne vern pesort goulenn a-zivout ar roadennoù personel, e c'hellit monet e darempred get bev.bzh :

• dre bostel d'ar chomlec'h : degemer@bev.bzh
• é kas ur lizher d'ar chomlec'h-mañ : 14 rue du Champ du Four, La Poterie, 22400 LAMBALLE

Rankout a rit prouiñ hoc'h identelezh ha merkiñ e pesort degouezh ho peus bet tro da dreuzkas ho roadennoù personel deomp (deiziad ar c'hlemmadur hag/pe an abeg).

Gwareziñ a raomp ho titouroù a-bouez diarbennoù surentez fizik, elektronek ha melestradurel. En hon diarbennoù surentez en em gav arc'hwelioù maltouter, sifriñ, diarbennoù àr ar renkiñ (evel ur sistem anaouder hag ur sistem ger-tremen, modoù gwareziñ fizik,...).