Diskouezadeg : 100 vloaz Gwalarn

100 vloaz eo Gwalarn ar bloaz-mañ ! Petra eo Gwalarn ? Krouet e 1925, ar gelaouenn lennegel Gwalarn he deus renevezet al lennegezh vrezhoneg. Pal skrivagnerien ha skrivagnerezed Gwalarn a oa krouiñ ul lennegezh a live uhel par da lennegezhioù ar broioù all, digoret o deus an hent evit an holl skrivagnerien vrezhonek zo bet abaoe. Kinniget e vo deoc’h dizoloiñ ar pezh en deus degaset Gwalarn d’al lennegezh vrezhonek dre un diskouezadeg krouet gant bodad lenn Ti ar vro Kemper ha Kevre Breizh.